වාද භේද

මේ ලිපිය ලියන්න හිතුනේ ගොඩාක් දවසකට කලින්. කොහොම හරි කමක් නෑ මේ අවුරුද්ද ගෙවිල ඊළඟ අවුරුද්ද ලබන්න ඉස්සෙල්ලා කියන්න ලැබුන එකවත් මදෑ.

හරියටම අවුරුදු 4කට කලින් මුළු ලංකාවම උඩුයටිකුරු වුනා. කවුරුත් ආදරේට සුන්දරයි, ලස්සනයි කියල කිව්වට එදායින් පස්සේ ඒදේට එහෙම කියන්නත් කට්ටිය බයවුනා. ඇත්තටම කවුරුවත් නොහිතපු විදියට සිද්ධ වුන දේවල් දැක්කාම බය වෙන එකත් සාධාරණයි. ඇති ඇති තවත් වර්ණනා ඕනේ නෑනේ කියන්න හැදුවේ ලංකාව වටේ පිහිටලා තියෙන මුහුද හරියටම මීට අවුරුදු 4කට කලින් කරපු හදිය ගැන මතක් කරන්නයි.

අපේරටට සුනාමිය අළුත් දෙයක් වුනාට ඇමරිකාව වගේ රටවල් වලට සාමාන්‍ය දෙයක්. පැරණි කථාවල තියෙන්නේ කාවන්තිස්ස රජ්ජුරුවන්ගේ කාලයේ මූද ගොඩ ගැලුවා කියල. අපි ඉතින් හීනෙකින් වත් හිතුවේ නෑ මූද එකපාරට ගොඩ ගලන්න පුළුවන්ද කියලා. හරි ඒ කථාව පැත්තකින් තියමුකෝ. දැන් අපි බලමු අපිට ඇත්තටම අත්දකින්න ලැබුන දේගැන. ගොඩක් දෙනෙක් වෙරලබඩ කලාපයේ පිරිස් තමයි සුනාමියට ගොදුරුවුනේ. ඒ වගේම රට ඇතුලට වෙන්න හිටපු අයත් නොයෙක් අවශ්‍යතා උඩ එහේ මෙහේ යන්න ගිහින් සුනාමියට අහුවෙලාත් තියෙනවා. බුද්ධාගමේ විදියට නම් කර්මය විපාක දීමක් විදියට ගොඩාක් අය පෙන්වා තියෙනවා.

හරි දැන් අපි බලමු කොහොමද අපි ඒ විනාශයෙන් පස්සේ නැගිට්ටේ කියලා. සුනාමියට සිංහල පමණක් හෝ දෙමල පමණක් හෝ මුස්ලිම් පමණක් කියල භේදයක් තිබුනේ නෑ. අන්න ඒක තමයි වැදගත්ම. ලංකාවේ ඉන්න හැම ජාතියක්ම ඒ විනාශයට ගොදුරුවුනා. ඉඩකඩම් යානවාහන කොටින්ම නෑදැයින් පවා නැතිවුන අවස්ථාවල් තියෙනවා. සුනාමියෙන් පස්සේ මිනිසුන්ගේ ආකල්ප ටිකක් වෙනස්වුනා හැමෝම හැමෝටම උදව්කරා. ඒ අතින් අපි අනිත් රටවල් වලට වඩා ගොඩාක් ඉදිරියෙන්. ඇත්තටම මම හිතුවේ එදායින් පස්සේ මිනිස්සුන්ගේ පරණ ගති ටික ඇරෙයි කියලා. මොන පිස්සුද අපේ එවුන්ට ටික දවසක් ගියාම ආයෙත් හිටපු විදියම තමයි. ආයෙත් කාකොටාගෙන ජීවත් වෙනවා. ඇත්තටම අපේ මිනිස්සුන්ට ඉක්මනටම මුල අමතක වෙන හැටි. දැන් ආයෙත් මිනිස්සු පිලි බෙදිල. ඡන්දය කියන එක ඇඟේම කොටසක් කරගෙන ඉන්නේ. එකට ජීවත් වුන පිරිස් දැන් බෙදිලා ගිහින්. මේවා ඉතින් කාට කියන්නද හැබෑට.

ආයෙත් මං........

ඇති යාන්තං ඉක්මනට එන්න වාසනාව ලැබුනා. මගේ මොනිටර් එක ලැබුනා. දැන් භාණ්ඩේ වැඩ එළකිරි වගේ. මේ දවස් ටිකේ මට හරියට වැඩ ටිකත් කරගන්න බැරිවුනා. අර ෆෝකසින් අවුල් ගිය මොනිටර් එක මට දුන්න වදයක් හැබෑට. සමාවෙන්න ඕනේ කට්ටියගේ බ්ලොග් හරියට කියවන්න බැරි වුන එකට. ඔන්න මං ආයෙත් ඔෆීෂියල් විදියට ආවා හොඳේ.

කොරේ පිටට මරේ.........

කොරේ පිටට මරේ කියල කථාවට කිව්වට මොකද අදනම් මට වුනේ ඒ වගේ වැඩක්. අද දවස විවේක සුවෙන් ගතකරන්න කියල හිතාගෙන හිටියේ. ඉතින් ටිකක් දවල් වෙලා නැගිටල උදේට කාල පත්තරේ බලන්න ගත්ත විතරයි ගෙදරට ආවා කට්ටියක්. ආවෙත් විශේෂ හේතුවක් නිසා ඒ මොකද දන්නවාද. එයාලගේ කම්පියුටර් එක හදන්න ගෙනල්ලා ටිකක් කල්. එහෙම ගෙනාවේ එයාලගේ කම්පියුටර් එක ෆෝමැට් කරලා ඉන්ටර්නෙට් කනෙක්ෂන් එක හදාගන්න බැරුව. මේක එසේ මෙසේ කනෙක්ෂන් එකක් නෙමෙයි CDMA දුරකථනයකින් ගන්න සම්බන්ධතාවයක්. කලින් දවසක හදන්න බලපුවාම ෆෝන් එකේ ඇන්ටනාව නැති නිසා වැඩේ අතෑරල දැම්මා. අද ඒක ගෙනත් දෙන්න ආපු ගමන්.

ඉක්මනට ඉවරකරගන්න පුළුවන් වෙයි කියල හිත හිතම වැඩේට බැස්සා දෙයියනේ කියලා. ෆෝන් එක ගහපුවාම ඒක ඩිටෙක්ට් කරන්නේ නෑ. අවුල තියෙන්නේ USB SERIAL CONTROLLER කියලා ඩ්‍රයිවර්ස් ඉල්ලනවා. ඉතින් ඒකත් ජංජාලෙන් හොයල හොයල දැම්මා කියමුකෝ. දාල ඔන්න ඒ ගමන ෆෝන් එකෙන් ඩයල් වෙන්නේ නෑ. මොන මගුලක්ද මන්දා කියලත් හිතුනා. ඔහොම ක‍ටුකන්න ගියාම මැෂින් හදන එක එපාම වෙනවා. නිකමට ෆෝන් එකේ සෙටින්ග්ස් චෙක් කලාම තේරුනේ ඒකත් වෙනස් කියලා. කොහොම හරි කොල්ලා යන්තම් ගොඩ දාගත්තා. අම්මෝ පැය ගානක් ගියා ඒක හදන්න. අන්තිමට එයාල මැෂින් එකත් අරං ගියා. කරන්න හිටපු එක වැඩක්වත් කරන්න ලැබුනේ නෑ.

කමක් නෑ දවල්ට කාලම රෙදි ටිකක් හෝදලා ටිකක් ඇලවෙන්න ඕනේ කියල හිතුවේ. වැඩි වෙලාවක් එහෙම ගියේ නෑ ගෙදර ට්‍රිප් එක ගියා. මගේ යූ.පී.එස් එක බෙරිහන් දෙන නිසා ඒක ඕෆ් කරන්න ගියාම නිකං කර ගඳක් දැනුනා. බැලින්නම් මොනිටර් එකෙන් එන්නේ දඩි බිඩි ගාල වයර් ගැලෙව්වා. දැන් මොකද කරන්නේ. මැෂිම නෑ කියන්නේ මට නම් අතක් පයක් නැති වුනා වගේ තමයි. ඒකත් දවසේ දින චරියාවේ ප්‍රභල අංගයක්නේ. බිල් එක හොයල බැලුවාම වොරන්ටිත් තියෙනවා. අද ෂොප් එක ඇරල නිසා අරං යන්න ඕනේ කියල තීරණය කලා. ඉතින් කොල්ලා ආයෙත් කරන්න හදපු වැඩ ඔක්කෝම ටික පැත්තකින් තියලා මොනිටර් එක අරගෙන ගියා. ඒක බලල එයාල කිව්වේ නැතැයි තව සතියකින් තමයි කොම්පැනි යවන්නේ කියලා. මට ඉතින් හොඳ පදය මතක් වුනා. ඒ වුනාට සද්ද වහගෙන හිටියා.

ඒ වැඩේත් කරල එනකොට ඔන්න තව යාලුවෙක් කෝල් කරල කියනවා "මචං මැෂිමේ අවුලක් හදලා දෙන්න පුළුවන්ද කියල" අනේ ඉතින් මේ අහිංසකයටමනේ කෙල වෙන්නේ කියල මිනිහගෙ ගෙදරත් ගිහින් ඒකත් හදල දීල ගෙට ගොඩ වුනා. ෆෝකසින් අවුල් වුන පරණ මොනිටර් එකක් වෙලාවට ගෙදර තියෙන නිසා මම මේ දවස් ටිකට අමාරුවෙන් හරි නෙට් එනවා. අපරාදේ කියන්න බෑ ඒ අතින් නම් මම ගොඩ. අද මට වුන දේ ගැන අපේ කස්ටියට කියන්න ඕනේ කියල හිතුනා. ඔයාලටත් මේ වගේ කරුම දවස් එහෙම උදාවෙලා නැද්ද.


සමහරුන්ට නත්තල් තියෙන නිසා " සුභ නත්තලක් වේවා " කියලත් කිව්ව ඔන්න.

Flag කවුන්ටරේ Customize කරමු

මේ ලිපිය ලියන්න හිතුනේ ඊයේ මම හොයා ගත්ත දෙයක් ඔයාලට කියන්න ඕන නිසා. සමහර විට ඔයාල මේක ගැන දන්නවත් ඇති. කමක් නෑ මම ඒ වුනත් කියල දෙන්නම්. වැඩි වෙන්නේ නෑනේ.

මේක ගොඩක් ඕන වෙන්නේ තීම් වෙනස් කරනකොට ඒවගේම කවුන්ටරේ ස්ථාපනය කරද්දි මොනව හරි අඩුපාඩුවක් එහෙම වුනානම්. ඉතින් මගේ කවුන්ටරේ ගැන කියනවනං ඒකත් හරියටම ස්ථාපනය වෙලා තිබුනේ නෑ. මොකක් හරි හේතුවක් නිසා. ඉතින් මම බැලුවා මොකද කරන්නේ කියල. අර වෙලාවකට පහල වෙන ගණදෙවි නුවණ නිසා මේ වැඩෙත් ගොඩ ගියා. මම ඔයාලට ඉස්සෙල්ලාම පොඩි උදාහරණයක් පෙන්නන්නම්. මගේ කවුන්ටරේම උදාහරනයට ගන්නම්කෝ.

දැන් අපි බලමු මේකට අදාල ස්ක්‍රිප්ට් එක......

img border="0" alt="free counters" src="http://s05.flagcounter.com/count/fFLk/bg=FFFFFF/txt=000000/border=CCCCCC/columns=3/maxflags=248/viewers=1/labels=1/pageviews=1/"


දැන් මම මේ ස්ක්‍රිප්ට් එකේ සමහර කොටස් විස්තර කරන්නම්. මේවා ඔයාලට වෙනස් කරන්න පුළුවන්.


bg=FFFFFF => තිරයේ වර්ණය
txt=000000 => අකුරු වල වර්ණය
border=CCCCCC => රාමුවේ වර්ණය
columns=3 => සිරස් පේලි ගණන
maxflags=248 => පෙන්විය හැකි උපරිම රටවල් ගණන
labels=1 => ලේබලය පෙන්වීම හෝ නොපෙන්වීම
pageviews=1 => දැනට ආව ගිය ගණන

(1 යනු පෙන්වන්න 0 යනු නොපෙන්වන්න)

වර්ණ මාරු කිරීමේදී characters 6ක් ම ඇතුලත් කිරීමට සැලකිලිමත් වන්න.

දැන් මොකද කියන්නේ. වැඩේ සුන්දරයි නේද. ගොඩක් අයට මේක ප්‍රයෝජනවත් වේවි. අලුත් අලුත් තීම්ස් වලට අනුව කවුන්ටරේ වෙනස් කරගන්න පුළුවන් ඔයාලටත්. අදම අත්හදා බලන්න.

නිදි නෑ


අද මහ චාටර් දවසක්. හවස මහ සද්දෙට ගොරවගෙන ආවට පොළොව හරියට තෙමෙන්නවත් වැස්සේ නෑ. අර සමහරු කියන්නේ සද්දේ තිබුනට වැඩ නෑ කියල. අන්න ඒ වගේ සීන් කෝන් එකක් තමයි අද වැස්සටත් වුනේ. සද්දෙයි වැඩයි ගැන කථා කරනකොට ඇදිලා එන්න හදන්නේ මම වැඩිය කථා කරන්න අකමැතිම මාතෘකාව ගැන. වෙන මොකවත් නෙමෙයි දේශපාලනය. අපේ නම ඇහෙනකොටත් බෝරින්ග් වගේ. ඒවුනාට අද කොල්ලා පොඩි විවෘත සාකච්ඡාවක් ගියා අනේමන්ද.කොම් එක ඇතුලේ. කොහේ ගියත් අපි අපිමයි කියල වැඩිය දරුණුවට ගියෙ නෑ. ගහගන්න මරාගන්න ගියෙත් නෑ.

ඉතින් ඒක නෙමෙයි මම කියන්න ගියේ මේ ලඟදි දවසක මට ඇහුනා එංගලන්තයේ අල්කයිඩා ත්‍රස්ත ප්‍රහාරයක තොරතුරු වාර්තා වුනා කියලා. දැන් මහ සද්දෙට කොටි ත්‍රස්ථවාදීන්ට කඩේ ගිය ඇත්තන්ට වැලේ වැල් නැතුව යන්න හදන්නේ. අර කියමනක් තියෙන්නේ තමන්ගේ ඇහේ තියෙන පොල් පරාලෙට වඩා අනුන්ගේ ඇහේ තියෙන පොල් කෙන්ද පේනවා කියලා. අනේ හැබෑට මෙහෙමත් සුද්දො. එංගලන්තය විතරක් නෙමෙයි ලෝකේ බලවතා විදියට පුම්බං ඉන්න ඇමරිකාවටත් වැඩේ කොයි වෙලාවේ කෙලවිලා යයිද දන්නේ නැතිලු. හිලරි නෝනට මොනවද දන්නේ නෑ මේ දවස් වල කියන්න තියෙන්නේ. ඔන්න එයාගේ ඡන්ද වැඩ වලට ඔසාමා බින් ලාඩන් එහෙම සපෝට් කලා නම් මෙලහටත් හිලරි ඔසාමට කඩේ ගිහින්.

හවස පොඩ්ඩක් විතර ජංජාලේ පිස්සුවක් කෙලින්න ගත්තා වගේ. ටිකක් විතර වේගය අඩු වුනා. සමහර විට වැස්ස හන්දා දත්ත වලට ගමන්කරන්න කම්මැලි හිතුනද දන්නේ නෑ. මහ රෑ වුනත් මට නින්ද යන්නේ නැති ලෙඩේට බේතකුත් ගන්න වෙයි වගේ. නින්ද යනකන් කියල ඔන්ලයින් පත්තර ටිකත් බලල ඉවරවෙලා සුපුරුදු අනේමන්ද ෆෝරම් එකේ කරක් ගහන් ඉන්නවා. වෙන කරන්න දෙයකුත් නෑනේ. ඉතින් හිතුනා මොනව හරි බ්ලොග් එකේ ලියන්නත්.

සිතුවිල්ලක් 1


කුණා‍ටුවක් හමා ඇවිත්
මා සිත් අසපුවට
ඉතිරි කලා කණා‍ටු ගස් වන්
බලාපොරොත්තු ස්වල්පයක්

ලෝකයක් නොමැති විට
අඳුරේ ඇතිවිට ලද
ආලෝකයක් විලසට
ලැබුවෙමි ඔබෙන් ආදරයක්

කතරකට වැසි ගෙන දුන් මෙන්
විඩාපත් සිතට සහනයක්
උදාකල නුඹ
මගේම වුනේ මා ලද පිනකිනි

චයිනා බුවා.....


නම කියවනකොට හිතේ මැවෙනව ඇති චීන ජාතිකයෙක්ව. එහෙම නේද. හික් හික්.... හැබැයි ඔන්න ඔයාලට පොඩ්ඩක් වැරදිලා. මම දැන් කියන්න යන්නේ අපේ රටේ චයිනා බුවෙක් ගැන. මේ වගේම චයිනා බුවාල කොළඹ නම් ඉන්නවා. සමහර විට අගනුවරින් පිට නගරවලත් ඇති.

මේක සිද්ධ වුනේ අද හවස. තැන ගුණසිංහපුර බස් නැවතුම්පල. මීට කලින් නම් ගුණසිංහපුරේ ගැන කිව්වේ වෙනත් විදියකටනේ. කොහොමෙන් කොහොම හරි අද වැඩ ඉවරවෙලා කොල්ලා ටිකක් කලින් ගෙදර එන්න පිටත් වුනා. උදේට සී.ටී.බී සරණං ඝච්චාමි කිව්වට මොකද හවසට ඒකේ අනිත් පැත්ත. ඒකෙත් හැටි නේද. උදේට නම් රජයේ බස් විදල යන නිසා කොයි මිනිහත් නගිනවා. ඒත් වැඩ ඉවරවෙලා එන්න ගියාම ඉතින් බාගෙට මැරිල වගේ. ඒකයි කොල්ල ප්‍රයිවෙට් බස්වල හවසට එන්නේ. ඕනේ නම් පොඩි හොරයකුත් කියන්නම්. හවසට පොඩි නින්දකුත් දාගෙන එන්න පුළුවන් නිසයි මේ විදියට එන්නේ.

ඉතින් දැන් කථාව කියන්න ගන්නම්කෝ. ඔහොම මම බස් එකක හොඳට හරි බරි ගැහිල නින්දක් දාගෙන ඉන්නකොට හීනෙන් වගේ ඇහුනා මේඩ් ඉන් චයිනා..... මේඩ් ඉන් චයිනා...... කියනවා. එන්න එන්නම කරච්චලයවැඩි කමට ඇස් ඇරල බැලුවා මොනවද මේ විකුණන්නේ කියල. බැලින්නම් චීනයෙන් ආනයනය කරපු චොකලට් (බෝල චොකලට්) වර්ගයක් තමයි කෑගගහ විකුණන්නේ. රු20 පැකට් එකක්. හැබැයි බස් එකේ කවුරුවත්ම ගත්තේ නෑ.

මම හැබැයි ඒ අතින් නම් සතු‍ටුවුනා ඒ ගැන. ඒ මනුස්සයාගේ රස්සාව බව ඇත්ත නමුත් මෙච්චර චොකලට් කොම්පැණි ගොඩක් තියාගෙනත් අහවල් එකටද චීනෙන් ගෙන්නපුවා විකුණන්නේ. ඇයි අපේ රටේ දේවල් එහෙම විකුණන්න අවස්ථාවල් නැත්තේ. මට ඉතින් පුදුමත් හිතුනා චීනයේ කොච්චර දේවල් හදනවද කියලා. අපේ රටේ මිනිස්සුන්ට අපේ රටේ දේවල් අගයක් නෑ. පිට රටින් නම් ඕන කුණුගොඩක් හොඳයි කියන්න මිනිස්සු ඉන්නවා. ඒ විතරක් නෙමෙයි මාස කිහිපයකට කලින් මම පිටකො‍ටුවේදී දැක්කා චීනයෙන් ගෙනාපු සරුංගල් මෙහෙ විකුණනවා. අනේ හැබෑට සිංහල රටේ මිනිස්සුන්ට මොකද වෙලා තියෙන්නේ. අද ගොඩක් පොඩි ලමයි සරුංගලයක් හදාගන්න දන්නේ නෑ. ඒකට අපි, කූරිය ගහන්නේ නැතුව උඩ යවන්න පුළුවන් සරුංගලයක් හදාගත්තාම කොච්චර සතුටක් ලබනවද ඒක උඩ යවලා.

වෙලාවකට මාර බයක් හිතෙනවා චීනය අපේ ලංකාව ආක්‍රමණය කරල වගේ. ඔය ගෙන්නන ගොඩක් දේවල් අපේ රට ඇතුලෙම හදාගන්න අවශ්‍ය තරම් සම්පත් තියෙනවා. පිටරටවල් වලින් ගෙනාපු දේවල් විකුණන චයින බුවාලා ඔයාලටත් හම්බවේවි. අවශ්‍යම දෙයක් නම් ගන්න එපා කියන්නේ නෑ නමුත් දෙයක් මිලදී ගන්න ඉස්සෙල්ලා හිතන්න, රටේ සල්ලි රට ඇතුලෙම තියාගන්නවද නැතිනම් කොහෙවත් නැති චීනෙකුට දෙනවද කියලා.

තේ පැන් රස...



තේ කිව්වොත් ඉතින් කාගෙත් දුකට සැපට ඉන්න කෙනෙක්. සමහරු නම් කියයි බීම වලින් තියෙන හොඳම දේ කියලත්. ගමේ ගොඩේ ඕනෑම තැනක කොහෙන් හරි කහට එකක් බොන්න තැනක් තියෙනවා මයි. නගරෙට ගියත් තේ, ගමට ගියත් තේ. අපි කොච්චර රස කර කර බිව්වත් බොන්නේ තේ වල අහක දමන දේවල්. හොඳ ටික සුද්දට නරක ටික අපිට. ඒකත් ඉතින් රජ පානයක් වගේ තමයි. නගරයේ නම් ටිකක් විතර හොඳ තේ රස බලන්න පුළුවන්. තේ පැකට් එකක් උණු වතුර එකකට දාල සීනි ටිකක් දාල නිකන් කෘතිම විදියට බිව්වට මට නම් තේ වල නියම රස විඳින්න හම්බවෙන්නේ නෑ.

කවුරු මොනව කිව්වත් ගමේ කඩේ තේ එක වගේ හොඳට තේ එකක් බොන්න නගරයෙන් බෑ. ඒකට කිතුල් හකුරු කෑල්ලක් වගේ එකතු වුනනම් ඉතින් ෂා...... කටට කෙලත් උනනවා. ඉස්සර මට මතකයි අපි ගොයම් වැඩට ගියාම කිතුල් හකුරුයි කහට එකයි. ඒකේ තියෙන්නේ පුදුම ගතියක්. කහට කෝප්ප දෙකක් වුනත් වක් කරගෙන බොනව ඒකේ රසට. අද ඉතින් නගරේ ඉන්න සමහර ඈයො ඕව දන්නේ නෑ. ඕව බොන්නේත් නෑ. බොන්නේ කෘතිමව හදපු එක එක බීම. හකුරු නැති දවස් වලට තව ක්‍රමයක් තියෙනව. සීනි ටිකක් අල්ලට හලාගෙන චුට්ට චුට්ට සීනි වලයි කහට වලයි රස විඳින එකත් නරකම නෑ.

දවසක් ජපානේ ඉඳන් ආව මගේ යාලුවෙක් තේකොල පැකට එකක් දුන්නා ට්‍රයි කරල බලන්න කියල. අපේ රටේ වගේ නෙමෙයි ජපානේ විදිය හාත්පසින්ම වෙනස්. අපි තේ කොළ හොඳට වේලනවා. ඒත් ජපානයේ එහෙම කරන්නේ නෑ (Green Tea). ඒක ටිකක් විතර නුහුරු ගතියක් එනවා. නමුත් විද්‍යාත්මක අතින් බලනකොට අපේ තේ වලට වඩා ගුණයි. මට දැනට නම් රසවිඳින්න හම්බුනේ ඔන්න ඔය විදියටයි.

හකුරු සමග තේ. ඔයාලත් පුරුදු වෙන්න. හැබැයි වැඩිය හකුරු කාල දියවැඩියාව හදාගෙන මට දොස් කියන්න එපා හොඳේ. මේ ලිපිය ලියන්න හිතුනේ කාලෙකින් කිතුල් හකුරු එක්ක කහට එකක් බොන්න හම්බුනා.

සින්ඩියට සෙට් වීම....



ඔන්න කෝඩ් ලොක්කා අද අළුත් පිම්මක් පනින්නයි හදන්නේ. අද මේ බ්ලොග් පි‍ටුව සිංහල බ්ලොග්කරුවන්ගේ සින්ඩියට එකතු වුනා. උදව් කරපු හැමෝටම ස්තූතියි. ඒක ඉතින් ගොඩක් වටින වැඩක්. ඉස්සරහදි හොඳ හොඳ ලිපි පල කරන්නම්. හැමෝගේම යෝජනා චෝදනා ගෞරවයෙන් පිලිගන්නවා.

අවසන් ගමන

අද මම කියන්න යන්නේ මං ගැන නෙමෙයි. වෙන මිනිහෙක් ගැනත් නෙමෙයි. ලංකාදීප පත්තරේ තිබුන සංවේදී ලිපියක් මේ කථාවට මූලික වුනේ. මේක දකින හැමෝගේම ඇස්වලට කඳුළු උනනවා සත්තයි. හිතාගන්න අමාරුයි මිනිස්සු මෙච්චර අපරාධ කරන්නේ ඇයි කියලා.

අපිට අපේ අම්මව නැතිවුනාම දැනෙනව වගේමයි ඒ ඇත් පැටියටත්. ඒක කොහොම දරාගෙන ඉන්න ඇතිද කියල පුවත්පතේ ඒ ලිපිය කියවන හැමෝටම තේරෙන්න ඇති. අලියෙක් වුනා කියල දුක කියන දේ දැනෙනවා අපිට වගේ. දවසක් මම රූපවාහිනියේ දැක්කා ලංකාවේ කැලයක හිටිය අලියෙක්ට වෙඩි වදිලා එයාට බේත් කරන්න වනජීවී නිලධාරීන් සෑහෙන මහන්සියක් ගත්තා. එක අතකට සතු‍ටුයි අපේ තිරිසන් මිනිස්සු කරන වැඩ වලට තම ජීවිතෙත් පරදුවට තියල වැඩ කරන මිනිස්සු පිරිසක් ඉන්න එක ගැන. ඒත් මේ වෙඩි තියල අලි මරන එක කවදා කෙලවර වෙයිද කියල හිතාගන්න බෑ.

මිනිස්සුන්ට, අලින්ට වඩා මොලයක් ලැබිල තියෙන්නේ කල්පනා කරල වැඩ කරන්න. කැලෑවල් ගිනිතියන්නයි හේන් කොටන්න කියල කැලෑවල් එළි කලාමයි අලින්ට වුනත් කන්න දේවල් නෑ කියල උන්ට තේරෙන්නේ නැති හැටි. ඒක තමයි මේ ප්‍රශ්න පටන් ගන්න ප්‍රධානම හේතු ටික. මේක හරියනකං අලි ගම්වදින එක වලක්වන්න කොහොමටවත් බෑ. අනික එහෙම අපරාධ කරන අයට දැඩි දඬුවම් දෙන්නත් ඕනේ. එතකොටවත් මේ වගේ දේවල් වෙන එක නතරවෙයි.

අලිමංකඩ ගියෙමි....

ඔන්න මම අද කියන්න යන්නේ මගේ අලිමංකඩ චාරිකාව ගැන. ඔයාල බලයි මේ අසනීපෙන් හිටපු කෙනා කොහොමද එකපාරට අලිමංකඩ ගියෙ කියලා. ඇත්තම කියනවනං මම අලිමංකඩවත් පාමංකඩවත් ගියෙ නෑ. හැබැයි අලිමංකඩ චිත්‍රපටිය නම් බලන්න ගියා.

කොල්ලට වැඩ ටිකක් අඩුවුන නිසා යාලුවො කීපදෙනෙක් සෙට් කරගත්ත අලිමංකඩ බලන්න යන්න. නියම චිත්‍රපටිය හැබැයි. මීට කලින් හමුදාවල විරුවන්ව හෑල්ලු කරල චිත්‍රපට හැදුවට මොකද මේක නම් එහෙම චාටර් එකක් නෙමෙයි. අද කාලේ නිතරම දකින්න ලැබෙන දෙකයි පනහේ චිත්‍රපටි ගැන බලනකොට හරයක් තියෙන චිත්‍රපටියක් කියල කියන්න පුළුවන්.

හමුදා නිලධාරියෙක් සහ ද්‍රවිඩ කාන්තාවක් තමයි ප්‍රධාන චරිත දෙක. තමාගේ සැබෑ නොවූ සිහිනය හමුවේ හිස එසවීමට උත්සාහ කරන කාන්තාවක් ගැනද. නොයෙක් අභියෝග වලට මුහුණ දෙමින් තම මෙහෙවර අකුරටම ඉ‍ටු කරන කපිතාන්වරයකු ගැනද, ඔහුගේ එම ක්‍රියාදාමයෙන් අලිමංකඩ මුදාගැනීමට හැකිවීමද චිත්‍රපටියේ සාරංශය විදියට කියන්න පුළුවන්. මට දැනගන්න ලැබුන විදියට සැබෑ යුද්ධයට අලලා නිර්මාණය වූ චිත්‍රපටියකි.

තාමත් බලන්න ලැබුනේ නැතිනම් බලන්න ඉක්මනටම. පවුලේ හැමෝටම නරඹන්න පුළුවන්

ඉතින් අලිමංකඩ බලල එනකොට මම දැක්කා මගදි බිංදු ඉන්නවා. අපෙ අප්පොච්චියේ බ්ංදු තාමත් පෙන්නනවා. කමක් නෑ ඉතින් ලංකාවේ පොඩිහිටියන්ට චිත්‍රපටි හදන්නේ බොහොම කලාතුරකින් නේ. ඔන්න පවුලේ සැමට කියල එකක් ආවොත් මොකක් හරි කුනුහරුප කතාවක් දෙකක් කියල මිනිස්සුන්ව හිනස්සනවා. ඕකම තමයි ලංකාවේ චිත්‍රපටි එපාවෙන්නේ. කීයෙන් කීයද හොඳයි කියන්න පුළුවන් ඒවා තිබුනේ. අනිත් ඔක්කොම තේරුමක් නැති ඒවානේ. කොහොම හරි කමක් නෑ. වැඩිහිටියන්ගේ චිත්‍රපටි වගේම පොඩිහිටියන්ටත් චිත්‍රපටි නිර්මාණය වෙනවනන් තමයි හොඳ.

දැන් හොඳයි.....

යාන්තම් තිබුන අමාරු ටික අඩුවෙලා ගියා. කොල්ලේගේ සෞඛ්‍ය තත්වය හොඳයි කියන්නේ ඉතින් සාමාන්‍ය විදියට වැඩ ටික කරගන්න පුළුවන් කියන එකයි. බයිස්කෝප් වෙබ්පි‍ටුවේ කස්ටියට පිං සිද්ධ වෙන්න හොඳ ‍ෆිල්ම්ස් ටිකකුත් බලාගත්තා ගෙදර හිටිය කාලෙදි.රෑට බානවා දවල්ට බලනවා ඒකත් ආතල් වැඩේ. නිකං තියෙන ජංජාලෙනේ.

රටේ අළුත් විස්තර මොනවද කියන්නවත් දන්නේ නෑ. මොකද නිව්ස් කියල යන්නේත් මඩ ගහගන්න ඒවානේ. ජනවාරි ඉවරවෙනකන් ටීවී බලන එක අඩු කරන්න කියල කල්පනා කලේ. ඒ අතරෙ ඉතින් ලොකු ලොකු කට්ටිය කියන කථා වටින් ගොඩින් ඇහෙනකොට ආයෙත් රූපවාහිනියේ අගය තේරෙන්න ගන්නවා.

අද ඉතින් කොල්ල ගියා පොඩි රවුමක්. රවුමක් කිව්වට ගෙදර ඉඳල එපා වුන නිසා ගියා ටවුම පැත්තට. නත්තල් කාලේ හින්දා වෙන්න ඇති මිනිස්සු මෙච්චර උනන්දුවෙන් බඩු ගන්නේ. නත්තල් කාලෙටයි අවුරුදු කාලෙටයි සෙනඟ වැඩියි. කඩවල්වලටත් ජයටම ඇති ඉතින්. වෙනදනම් ඉතින් මොන උත්සවය තිබුනත් මිනිස්සු ගෙවල් වලින් බහින්නේ පණපිටින් ගෙදර එන්න පුළුවන්වෙයිද කියන සැකය උඩනේ. විශේෂයෙන් කොළඹ වගේ තදාසන්න නගරවල ගැවසෙන්නත් මිනිස්සු බයවුනා. කොහොම හරි යුද්ධය ඉවරවුනාට පස්සේ මහජනයාට නිදහසේ බයක් සැකක් නැතිව යන්න එන්න පුළුවන්.

කථාවේ අවසානයටත් ආවා ලෙඩ වෙලා ඉන්නකොට බ්ලොග් එකේ කමෙන්ට් දාල මට ඉක්මන් සුවය ප්‍රාර්ථනා කරපු හැමෝටම ස්තූතියි. ආයෙත් අළුත් අළුත් දේවල් ලියන්න ගන්නම්. ජයවේවා.

අද අසනීපයි .....

අද පුදුම කම්මැලි කමක්. නැගිටිනකොට නිකං ඔලුවේ කැක්කුමක් වගෙත් තිබුනා. උදේ නැගිට්ට කියල කිසිම ෆිට් එකක් තිබුනෙත් නෑ. වෙනදට දඩස් ගාල නැගිටින මට අද එහෙම නැගිටින්න පණ තිබුනෙත් නෑ. ටිකක් වෙලා ඉඳල කිබුහුමක් දෙකක් යනකොට තමයි වැඩේ තේරුණේ. අද කාලෙකින් අඩව්වක් අල්ලන්න හදන්නේ කියල හිතුනේ එතකොටයි.

මේක මහ කරුමයක්නේ. එක දිගට කිබුහුම් යනව. නිකං නහයත් ගැලවිලා යන්න සයිස් එකට වැඩේ සිද්ධ වෙන්නේ. කවුරු හරි ලඟ හිටියනම් කියයි "ඔන්න උඹව කවුරු හරි මතක් කරනවා" කියල. වෙලාවට එහෙමවත් කියල හිත හදාගන්නවත් විදියක් නෑ නේ. සමහන් එකක් හදාගෙන බීල කොල්ලා උදේට කන්න ගත්ත. ඒකත් කෑවේ පුදුම අප්පිරියාවකින්. වැඩිය නෑ කටවල් දෙකයි කෑවේ ඉතුරු ටික අපේ සුනඛ බුවාට. මෑන්ස්ටත් ෆුල් හැපි, අද ටිකක් කලින් උදේට කන්න හම්බුන එකට. ඒක වෙන්න ඇති වෙනදට වැඩිය වලිගෙන් සිග්නල් දැම්මේ හොඳට.

වැඩේ එන්න එන්නම අප්සට් වෙනව වගේ ඇඟට දැනෙනකොට ඇඳ ගාවට පැනඩෝල් දෙකකුත් ලැබුනා. ඒ වෙලාවේ නම් අම්මප අර ටීවී ඇඩ් එකත් මතක් වුනා. "මගේ නිසැක තේරීම පැනඩෝල්" කියල ඉඳල හිටල ටීවී කොමර්ෂලුත් යනවනේ. ඒ අතරේ වෙලාවකට හිතෙනවා සූකර උණද කියලත්, කියන්න බෑ ඉතින් මේ කාලේ එක එක මඟුල් තියෙනවනේ.

ඇඳට වෙලාම ඉන්නවා කියන්නේ මහ එපාම කරපු වැඩක්. මෙලෝ රහක් නෑ. ඒකයි ගෙදරින් කුණු බැනුම් අහගෙනත් මැෂිම ඉස්සරහට ආවේ. ඉතින් ඔහොම ඉන්නකොට හිතුනා බ්ලොග් එකේ මොනව හරි ලියන්න. ලියන්නම කියල විශේෂ දෙයකුත් නැති එකේ මගේ අසනීප තත්වය ගැන ලියන්න හිතුනා.

කෝඩ් ගේ Portable Softwares දන්සැල


මේ ලිපිය ලියන්න ඉස්සෙල්ලා මේ පිළිබඳ නොදැනුවත්ව හරි අදහසක් දුන්න ඩාර්ක් ට ස්තූතිය පිරිනමනවා. ඒකට හේතු පාදක වුනේ එයා අධ්‍යාපනය ලබන ආයතනයේදී මුහුණපාන්නට වුන දෙයක්. ඒ ගැන මීට පෙර ලිපියකින් මම කියා තිබෙනවා.

ඉතින් මම කල්පනාකලා යුනිකෝඩ් වගේම තවත් පහසුකම් ගොඩක් තැන්වල අත්හිටුවලා ඇති කියලා. සාමන්‍යයෙන් චැට් පහසුකම් එහෙම තහනම් කර ඇති ආයතන ගොඩක් තියෙනවා. ඒ වගේම ෆයර්ෆොක්ස් එහෙමත් තහනම් කරල ඇති. ඉතින් එහෙම පහසුකම් තහනම් කරල තියෙන ස්ථානවල සිටින අයට මගෙන් තෑගි කීපයක් තියෙනවා දෙන්න.

අද ඉඳන් ඇඩ්මින්ලාගේ ගෑස් බලන්න ඕනේ නෑ. මම ගානේ ඔයාලට පෝටබල් විදියට ක්‍රියාකරන Softwares කිහිපයක් ලබාදෙන්නම්. ඒවගේම ඉදිරියේදීත් මේවගේ වැදගත් Softwares කිහිපයක් දෙන්නත් බලාපොරොත්තු වෙනවා.


Google Talk Portable





Firefox Portable




Skype Portable






Yahoo Messenger Portable




ප්‍රතිචාර කිරීමට තරම් කාරුණික වන්න

සිරිපා වන්දනාව


අද අළුත් මාසයක ආරම්භයක්. ඒ වගේම උඳුවප් පොහොය යෙදිල තියෙන්නෙත් අද. සාමන්‍ය ජනයා අතර දෙසැම්බර් පෝය කිව්වාම මතක් වෙන්නේ සිරිපා සමය ආරම්භ වුනා කියලා. මෙතැන්සිට වෙසක් පොහොය දක්වා සිරිපා වන්දනාවේ යෙදීමට බැතිමතුන්ට පුළුවන්. සිරිපා ගමන සඳහා ගමන් මාර්ග 3ක් තියෙනවා. හැටන්-නල්ලතන්නිය හරහා එක් මාර්ගයකුත්, කුරුවිට-එරත්න හරනා තව මාර්ගයකුත් රත්නපුර-පලාබද්දල හරහා තව මාර්ගයකුත් තියෙනවා. මේ අතරින් දුෂ්කරම මාර්ගය ලෙස රත්නපුර මාර්ගයද, දුර වැඩිම මාර්ගය ලෙස කුරුවිට මාර්ගයද කියන්න පුළුවන්.

බාල මහලු හැමදෙනෙක්ම ශ්‍රද්ධාවෙන් ගෞරවයෙන් සිරිපා වන්දනා කරන අතර සමහර පිරිසක් සිරිපා ගමන හුදෙක් විනෝද චාරිකාවක් පමණක් සිතාම කටයුතු කරන බව කියන්නේ කණගාටුවෙනි. සංගීත භාණ්ඩ, මත්පැන් මේ වගේ දේවල් සිරිපා වන්දනාවට මේ පිරිස් එක්කර ගන්නවා. මගදිගට වයසක පිරිස් වලට උසුළුවිසුළු කරනව වගේම හූ කියමින්ද ගමන් කරනවා. විවිධ ශබ්ද ඇතිකරනවිට වන සතුන් පවා පැමිණීමට ඉඩකඩ තියෙනවා. අනිත් කාරණය තමයි සිරිපා අඩවියට පා තැබුවාම කට පරිස්සම් කරගන්න කියා පැරණි පිරිස් කියා තිබෙනවා. ඒ කථාවේ ඇත්තක් මා දකිනවා. මීට අවුරුදු කීපයකට කලින් බීමතින් ගමන් කල පිරිසකට සිදුවූ ඉරණම හොදම උදාහරණයක්. පුවත්පත් වලද සඳහන් වුනා.

බලන්න සිංහල බෞද්ධයො කොච්චර පිරිහිලාද කියලා. තමන්ට උරුම සංස්කෘතියට, තමන්ට උරුම ආගමට මේවගේ ගරහන මිනිස්සු ඉන්නකල් කොහොමද දැහැමි සමාජයක් කියන්නේ. මේ පාර සිරිපා වන්දනාවට යන්න ඉන්න සියළුම දෙනා දැනුවත් කරන්නයි මේ ලිපිය ලියන්න හිතුවේ.

යුනිකෝඩ් නැතිව සිංහල කියවන්න

මේ බ්ලොග් පිටුවට නිතරම එන වුල්වොරීන් නැතිනම් ඩාර්ක් ට පොඩි ප්‍රශ්නයක් තිබුනා. ඒ තමයි එයාලගේ කැම්පස් එකේ සිංහල යුනිකෝඩ් දාල නැතිලු. ඉතින් අනේමන්ද වෙබ් පිටුවේ එයාගේ දුක් ගැනවිල්ල ලියල තිබුනා.

මම ඉතින් පොඩි උත්සාහයක් යොදල බැලුවා මොකද්ද මට කරන්න පුළුවන් කියලා. උත්සහය සාර්ථකයි. මම පෝටබල් විදියට සිංහල යුනිකෝඩ් පරිවර්තනය කලා IExplorer එකත් එක්ක. ඩාර්ක් කියපු විදියට එයාගේ අවශ්‍යතාවය සම්පූර්ණ වුනාලු. ඔයාලත් උත්සාහ කරල බලන්න, සිංහල යුනිකෝඩ් නොමැති විට භාවිතා කල හැකි විදියක්.

මේක INSTALL කරන්න වුවමනා නෑ. කරන්න තියෙන්නේ භාගතකරගෙන EXTRACT කරගන්න. ෆොල්ඩර් එක ඇතුලේ තියෙනවා IEXPLORER.EXE කියල FILE එකක්. ඒක ක්ලික් කරන්න. හැබැයි මේක වින්ඩෝස් 7 නම් දුවන්නේ නෑ.


භාගත කරන්න


http://rapidshare.com/files/314202869/Sinhala_Unicode_Portable_Browser.rar

Trial Softwares දිගටම පාවිච්චි කරන්න

අන්තර්ජාලයේ ඇති බොහොමයක් මෘදුකාංග අතරින් නොමිලේ භාවිත කරහැකි වශයෙන් ගත හැක්කේ ඉතා සීමිත කොටසකි. ඒ අතරින් සමහරක් ටික කලක් භාවිත කර පසුව මිලදී ගත යුතු ආකාරයට පවතී. අද මම කියන්නේ එහෙම දින ගනනක් භාවිතා කලහැකි මෘදුකාංගයක් කොහොමද හැමදාටම භාවිතා කරන්නේ කියලා.

මේක ටිකක් විතර හොර වැඩක්. එහෙම කිව්වට අනුන්ගේ දෙයක් හොරා ගන්නවත් හොර කේත යොදන්නවත් අවශ්‍ය වෙන්නේ නෑ. කොහොමද මේක වැඩ කරන්නේ කියල බලනවනන්...

මේකට අපි භාවිතා කරන්නේ විශේෂ මෘදුකාංගයක්. ඒකට කරන්න පුළුවන් අපේ පරිගණකයේ වේලාව සහ දිනය වෙනස්ව තබාගන්න. පොඩි ඇස්බැඳුමක් වගේ. Trial Software එකක් කාලය වෙනස් වෙන්නේ නැතිනම් ඒක දිගටම පාවිච්චි කරන්න පුළුවන් සංකල්පයයි මෙතනදි තියෙන්නේ. වැඩි කථා ඕනේ නෑ. ඔයාලත් පාවිච්චි කරල බලන්නකෝ.

ක්‍රියාත්මක කරන ආකාරය :

1) කාලය නැවතුම් මෘදුකාංගයට යන්න
2) අවශ්‍ය මෘදුකාංගය තෝරා දෙන්න
3) තමන්ට කැමති දිනයක් වේලාවක් සඳහන් කරන්න. (EXPIRE දිනයට කලින් දිනයක්)
4) අදාල මෘදුකාංගය ක්‍රියාත්මක කරන්න.


භාගත කරන්න

files.getdropbox.com/u/657816/Programs/TS2.zip

උත්තමාචාරය


පසුගියදා බුත්තල, බඩල්කුඹුර ප්‍රදේශයේදී අනතුරට පත් ශ්‍රී ලංකා ගුවන් හමුදාවට අයත් MI24 හෙලිකොප්ටර් යානයේ සිටි, වන්නි මානුෂික මෙහෙයුමේදී දිවි හිමියෙන් සටන් කල ඒ අභීත රණවිරුවන්ට මෙයින් උත්තමාචාරය.





ඡායාරූපයේ වම්පස සිට පිළිවෙලින්
බලඝණ නායක ඇසල දොඩම්මලුව, පියාසර ලුතිනන් රෙහාන් ප්‍රනාන්දු, කෝප්‍රල් ජයන්ත සිරිසේන, කෝප්‍රල් චන්ද්‍රවංශ බණ්ඩාර රත්නායක.




උපුටා ගැනීම : ශ්‍රී ලංකා ගුවන් හමුදා වෙබ් අඩවිය


වැදි දුක ...

ඌරුවරිගේ කැකුලා රත්නායක වර්ථමාන වැදි නායක වන ඌරුවරිගේ වන්නිලා ඇත්තන්ගේ සමීපතම ඥාතියෙකු වන අතර ඊයේ දහවල් ගාලු පාර දිගේ ගමන් කලේ තමන්ට ඥාති පිරිසගෙන් එල්ලවන හිරිහැර පිළිබඳ ජනාධිපතිතුමාට කරුණු ඉදිරිපත් කිරීමටය. මෙසේ ගමන් කරන්නේ තම සාම්ප්‍රදායක ඇඳුම් ආයිත්තම් සමඟ ජංගම දුරකථනයක්ද අතැතිවයි



ජීවත්වීම සහ ණය

අද ඉතින් සුපුරුදු රාජකාරි වලින් ඈත්වෙලා පුද්ගලික වැඩ වගයක් කරගන්න කියල ගියා අගනුවර පැත්තට. ඔහොම ගිහින් එන අතරෙ මගෙ යාළුවෙක් හම්බුණා. ආගිය විස්තර එහෙමත් කථාකරල කොහෙන් හරි රෝල් වෙලා ආවේ ජනාධිපතිවරණය. කොල්ල ඉතින් පොලිටික්ස් ගැන වැඩි අවධානයක් නැති නිසා සාවධානව අහගෙන හිටිය. වැඩිය තර්ක කරන්න ගියෙත් නෑ මොකද ඔය සම්බන්ධව වැඩි දැනීමක් නැති නිසා.

කොහොමෙන් කොහොමහරි මගේ යාලුවා කිව්ව අමුතු තාලේ කතාවක්. කිව්ව විදියට නම් මේ ලගදි කරපු සමීක්ෂණයක්ලු. ඒකට අරන් තියෙන්නේ ඕස්ට්‍රේලියාවේ සහ ලංකාවේ ජීවත්වෙන විධායක තනතුරු හොබවන පුද්ගලයන් 2 ක්. ඒගොල්ලෝ හොයගත්ත විදියට ලංකාවේ වාසය කරන පුද්ගලයාට රු 50,000 පමණ වැටුපක් ලැබෙන අතර ඕස්ට්‍රේලියාවේ වාසය කරන පුද්ගලයාට ඕ.ඩො 4,500 පමණ වැටුපක් ලැබෙනවා.

දැන්තමයි කථාවේ හොදම හරිය වෙන්නේ. ටිකක් කල්පනා කරල බලන්න මේ අදහස් ටික. සාමන්‍යයෙන් ලංකවේ නිලධාරියාට සුව පහසු වාහනයක් ගන්න අඩුම තරමේ රු ලක්ෂ 40 වත් යනවා. සම්පූර්ණ වැටුප වගේ 80 ගුණයක්. ඒකියන්නේ මාස 80 එක දිගට වැඩ කරන්න ඕනේ. (අනිකුත් වියදම් නොසලක හැර ඇත.)මාස 80 කියන්නේ අවුරුදු 6-7. ගෙයක් හදන්න හිතාගෙන ඉඩමක් එහෙම මිලදී අරන් ගෙයක් හදන්න තවත් ලක්ෂ 40 විතර යනව. ඒ කියන්නේ තවත් අවුරුදු 6-7 විතර වැඩ කරන මුදල් ඒකටම වියදම් වෙනවා. තව විදියකින් කියනවනම් ඇදුමක් ගන්න අපි හිතමු ඩෙනිමක් කියල, ඩෙනිමක් සාමන්‍යයෙන් රු 1000 විතර වෙනවා. එ කියන්නේ ඔහුගේ මාසික වැටුපෙන් ඩෙනිම් 50 විතර ගන්න පුළුවන්.

දැන් බලන්න ඕස්ට්‍රේලියාවේ තත්වය. ඕ.ඩො 2,00,000 ට විතර ජීවත් වෙන්න නිවසක් හොයගන්න පුළුවන්ලු (මට කිව්ව විදියට ) ඒ කියන්නේ අවුරුදු 3-4 විතර උපයන මුදලින්. වාහනයක් ගැන බැලුවොත් අළුත්ම යාරිස් කාර් එකක් ගන්න ඕ.ඩො 17,000 විතර යන්නේ. ඒ කියන්නේ මාස 4 විතර මුදලක් වැයවෙන්නේ. ඩෙනිම් වලින් ගත්තොත් එක් ඩෙනිමක වටිනාකම ඕ.ඩො 50 විතර වෙනවාලු. ඒකියන්නේ මාසෙක වැටුපෙන් ඩෙනිම් 90 ගන්න පුළුවන් කියන එකයි.

ඉස්සේල්ලා කරපු ගණනය කිරීම් වලට එදිනෙදා වියදම් නැතුව ගත්තේ. ඒවත් ගත්තාම මට හිතෙන විදියට මුළු ජීවිත කාලෙම ණය ගෙවන එක තමයි කරන්න වෙන්නේ අපේ රටේ මිනිස්සුන්ට. ගෙවීමේ ක්‍රමයට ගන්නවා කියන්නේ අදාල වටිනාකමට වඩා වැඩි මුදලක් ගෙවන්න වෙන එකයි. ඕස්ට්‍රේලියාවේ ජීවන වියදම වැඩියි කියල කිව්වාට එයාලගේ ආදායමත් එක්ක බලනකොට වියදම අපිට වැඩිය ගොඩක් අඩුයි. පොඩි ඇන්දීමකට පාවිච්චි කරලා තියෙන්නේ රුපියල් පරිවර්ථනය කිරීමයි. කාගෙද වැරැද්ද.

පිටකොටුවේ බෝට්ටු සේවය

අද උදේ හදිසි වැඩ වගයකට කොළඹ (බම්බා) යන්න වුනා. කෝකටත් සූදානම් ශරීරය කියල කුඩයකුත් බෑග් එකට දාගෙනමයි ගියේ. ගිය වැඩ ටික ඉවරවුනේ ටිකක් දවල් වෙලා එ කිව්වේ 2 ට විතර. බස් එකකට ගොඩවෙලා එනකොට මගදි හොදටම වහින්න ගත්තා. බෝගහ ගාවින් බැහැල පයින් යන්න බැරි තරමට වැස්ස. කරන්න දෙයක් නෑ ගෙදර එන්නත් ඕනේ. ගුණසිoහපුර බස් නැවතුමට එන්නත් ඕනේ. ඉතින් පයින්ම ආවා වෙලාවට කුඩයකුත් අරන් ආව නිසා එච්චරම අප්සට් එකක් තිබුනෙත් නෑ.

ටිකක් දුර එනකොටනෙ වැස්සේ බරපතලකම තේරුණේ මුළු පලාතම යටවෙලා එකම වතුර ගොඩයි. අඩි 1 1/2 විතර උසට වතුර. යාගන්න විදියක් තිබුනෙත් නෑ. වැස්ස අඩු කරන්නෙත් නෑ. කොහොම හරි ස්ටෑන්ඩ් එකට යන බස් එකක එල්ලිලා තමයි ගියේ. මගෙ අම්මෝ මුළු පළාතෙම වතුර එතනට එන්නේ. බෝගහ පැත්තෙන්, උසාවි තියෙන පැත්තෙන්, ගෑස්පහ පැත්තෙන්, මිහිදුමාවත පැත්තෙන් එන වතුර ඔක්කොම එන්නේ ගුණසිoහපුර බස් නැවතුම් පොළට. මීට කලිනුත් ඔහොම වෙලා තියෙනවා අත්දැකීමෙන්ම දන්නවා. ඇයි මෙච්චර නගර අලoකරනයට පොර ටෝක් දෙනවා
වැස්ස දවසට වතුර බැහැල යන්න විධිමත් ක්‍රමයක් ක්‍රියාත්මක කරන්නේ නැත්තේ.

එහෙම නැතිනම් පිටකොටුව බෝට්ටු සේවය කියල අලුතෙන් මගී ප්‍රවාහන ක්‍රමයක් තියෙන්න ඕනේ. මේවට අහුවෙන්නේ සාමන්‍ය මිනිස්සු මොකද, ලොකු මිනිස්සු කීයෙන් කීදෙනාද බස් වල ගමන් කරන්නේ. උදේ වරුවක වුනානම් හැමෝම අනාථයි. මේවතමයි පාලකයො හිතන්න ඕනේ කොච්චර කොළඹ නගරය ලස්සන කරන්න හැදුවත් වැඩක් නෑ මූලික දේවල් සම්පූර්ණ නැතිනම්.

වැඩේ හරි...

ඉල්ලo කෑම Part I නිසා සෑහෙන්ඩ බොන්ඩ වෙන ප්‍රශ්න වලට මුහුණ දුන්නා. අන්තිමට තමයි සීන් එක මුල ඉදලම තේරුණේ. හතිලව්වේ මොන තරම් කස්ටක් කෑවද මේ ෂෙයරින් ප්‍රශ්නයක් නිසා. මම කලින් පාවිච්චි කරපු තීම් එකෙ තමයි අවුල වෙල තිබිල තියෙන්නේ. අද දවසම ඒක හොය හොය හිටියේ. පස්සේ මට හිතුනා වෙන තීම් එකක් දාල බලන්න. තීම් හොයන එකත් කජු කනව වගේ ලේසි නෑනේ. ඒකටත් මට ගොඩක් වෙලා ගියා.

කොහොම හරි අමාරුවෙන් තීම් එකක් හොයගත්ත කියමුකො. ඒත් විජට්ටු අළුතින් දාන්න සහ මොඩිෆයි කරන්න වෙනව මතක් වෙනකොට මලම පනිනවා. තීම් එකක් දානකොට ඒටික සේව් කරගන්න පහසුකමක් බ්ලොග්ස්පොට් කස්ටිය සපයල නෑනේ. ඔය වෙලාවට තමයි හොද පද මතක් වෙන්නේ. අනේ අමාරුවෙන් කොල්ල තීම් එක දාගෙන මොඩිෆයි කරල කලින්ට වැඩිය ලස්සනට බ්ලොග් එක හදාගත්ත. මූණුපොතේ ෂෙයරින් එකත් හරි. යන්තම් මම ගොඩක් ගියා නැත්නම් තාමත් ඇදගෙන නානව ෂෙයරින් කරගන්න. තීම් එක ගැන කමෙන්ට්ස් දීපු අයට ස්තූතියි.

ඉල්ලo කෑම Part I

ඉදල ඉදල මමත් කරගන්න වැඩ කියල හිතෙනව වෙලාවකට. එහෙම හිතෙන්නේ ඊයේ මගේ අතින් වුන පොඩි අත්වැරැද්දක් නිසා. මගේ බ්ලොග් එක බලන අයට තේරුනාද දන්නේත් නෑ. කමක් නෑ මම කියන්නම්කො මොකද වුනේ කියලා. මම ඉතින් සාමාන්‍යයෙන් අනිත් බ්ලොග් එහෙමත් කියවනවා. ගොඩක් ඒවා බුක්මාර්ක් කරන් තියගෙන ඉන්නේ. ඉතින් ඔහොම බලනකොට ගොඩක් අයගේ බ්ලොග් වල තියෙනවා මූණුපොතට ෆීඩ් කරන්න පහසුකමක්. මම ඉතින් ගූගල් හදපු කෙනා බුදුවේවා කිය කිය සර්ච් කරන්න ගත්තා. පස්සෙ මූණු පොතෙන් ස්ක්‍රිප්ට් එකකුත් ගත්ත. කරුමෙ කියන්නේ බැකප් ගන්න තරම් ගණදෙවි නුවනක් පහලවුනේ නෑනෙ හැබෑට.

කොහොම හරි මට ඕනවුනේ එක් එක් මාතෘකා ලගින්ම එම ලින්ක් එක දාගන්න. එක තැනකදි මට තේරුනා වැඩිපුර කොඩ් කෑල්ලක් මගෙ අතින් මැකුන කියල. කෙලිය නේද තාප්පෙට දැන් මොකද කරන්නේ කියල කල්පනා කලා. කොහේ හරි තියෙන පිනකට තිබුන විජෙට්ටු කීපයක් සේව් කරගත්තා. කොහොමෙන් කොහොම හරි ආයෙත් තීම් එක අලුතෙන් දාන්න වුනා. අනේ කවුරු හරි පිනට ලැදි කෙනෙක් ඉන්නවනම් කියනවද කොහොමද කොතනටද කෝඩ් එක දාන්න ඕනේ කියල.

කථාවෙන් ගතයුතු පාඩම: හැමවිටම බැකප් ගන්න පුරුදු වෙන්න

ඩයලොග් " Buddy Finder "

අද උදේ ගුවන්විදුලියේ එක්තරා නාලිකාවක ගිය ප්රචාරක දැන්වීමක් අහන්න ලැබුනා. ඒකේ කියන විදියට එම ජOගම දුරකථන ජාලයට සම්බන්ධ ඕනෑම කෙනෙක්ගේ වර්ථමාන පිහිටීම (Current Location ) දැනගැනීමට පුළුවන්. කොහොමද එහෙම වෙන්නේ. සාමාන්යයෙන් සෑම ජOගම දුරකථන සේවාදායකයෙකුම තමන්ගේ සේවාලාභීන්ගේ පිහිටීම පිළිබද විස්තරයක් තියාගන්නවා. ඒත් මෙච්චර කාලෙකට එම දත්ත සාමාන්ය ජනයාට දැනගැනීමට අවස්ථාව සැලසුවේ නෑ. කුමන හේතුවක් නිසා එම පහසුකම ලබාදීමට එම දුරකථන ආයතනය පියවර ගත්තාද කවුරුත් දන්නේ නෑ. දැනට අපරාධ පරීක්ෂණ කටයුතු සම්බන්ධයෙන් එම පහසුකම වඩාත් උපයෝගී වෙනවා. ඕනෑම අපරාධකාරයෙක්ව ඔහුගේ ජOගම දුරකථනය ක්රියාකරීනම්, සිටින තැන සොයාගැනීමට මීට වඩා සOකීර්ණ තාක්ෂණයක් යොදා ගන්නවා.

දැන් අපි බලමු කොහොමද මෙම සේවය ලබගන්නේ කියා.....

සේවාව ලබාගැනීමට REG යනුවෙන් ටයිප් කර 779 අoකයට කෙටි පණිවුඩයක් යවන්න. එවිට අදාල තොරතුරු සමග ඔබට කෙටි පණිවුඩයක් ලැබෙනු ඇත. එවිට අදාල තොරතුරු සමග ඔබට කෙටි පණිවුඩයක් ලැබෙනු ඇත. තමන්ට අවශ්ය පුද්ගලයාගේ පිහිටීම ලබගැනීමට ප්රථමව තමන්ගේ බඩී ලිස්ට් එකට එම පුද්ගලයාව ඇතුලත් කර තිබිය යුතුය. එසේ ඇතුලත් කර ගැනීමට ADD [දුරකථන අOකය] [පුද්ගල නාමය] සදහන් 779 ට කෙටි පණිවුඩයක් යවන්න කර (වරහන් අවශ්ය නැති බව සලකන්න). අදාල පුද්ගලයාට එය පිළිබදව දන්වා යවයි. කැමති නම් තමන්ගේ පිහිටීම රහස්ය ලෙස තවදුරටත් තබාගත හැක.

තමන්ගේ බඩි ලිස්ට් එකේ සිටින කෙනෙකුගේ පිහිටීම බලාගැනීමට TRACK [අදාල අOකය] සටහන් කර 779 ට කෙටි පණිවුඩයක් යවන්න. කෙසේ හෝ තමන්ව කිසියම් කෙනෙකු නිරීක්ෂණය කරන බව අදාල පුද්ගලයාට දැනුම් දෙයි. ඔහුගේ අනු දැනුමක් නොමැතිව වෙනත් කෙනෙකුට පිහිටීම ලබගත නොහැක.

ඔබටත් ඩයලොග් දුරකථනය්ක් තිබේනම් අදම අත්හදා බලන්න.

ජනාධිපතිද ? හමුදාපතිද ?

මුලින්ම කියන්න ඕනේ මම දේශපාලනය ගැන සදහන් කිරීමට කැමති නැති කෙනෙක්. නමුත් රටේ අභ්‍යන්තර අරගලයක් ඇති කිරීමට සහ ජනතාව කුලප්පු කිරීමට විරුද්ධව මේ විදියට හඩ නගන්න මටත් ශ්‍රීලාOකිකයකු වශයෙන් අයිතිය ඇති බව කාටත් වැටහෙනවා ඇති. රටේ එක්තරා විදියක පිළිලයක් විදියට තිබුන යුද්ධය අවසන් කිරීම ගැන පහුගිය මාස කීපයම කතාබහට ලක්වුනා.

ඒත් දැන් ඒක කාගෙ කාගෙත් හිත්වලින් අයින් වේගෙන යන වෙලාවේ කොටින්ම තුවාල වුන හමුදාවල සහෝදර සහෝදරියන්ව, මියගිය හමුදාවල සහෝදර සහෝදරියන්ව මේ දවස්වල කාගෙ කාගෙත් හිත්වලින් ඈත් වෙලා ගිහින්. අන්තිම මොහොතේ හරි ආයෙත් යුද්ධයක් ගැන කතාවට ලක්වෙන්නේ ලග එන ජනාධිපතිවරණයට ඉදිරිපත් වන අපේක්ෂකයින් දෙදෙනාම යුද්ධයට කෙලින්ම කැප කිරීම් කරපු නිසා.

හිටපු යුධහමුදාපතිද ජනාධිපතිද කියල හැමෝගෙම කතාව මේ දවස්වල. මේ දෙදෙනාම ලොකු කැපකිරීම් කරපු දෙන්නේක් විදියට මොලයක් තියෙන ඕනෑම කෙනෙක්ට තේරෙනවා. දෙන්නාගෙ රාජකාරි දෙකක් වුනාට අන්තිමට ලැබුවේ එකම ජයග්‍රහනයක්.

හමුදාපතිවරයෙකු වශයෙන් හමුදාව නිසි ලෙස පාලනය කිරීමට ඔහුට හැකිවුනා. ඒවගේම ලෝකයේ බලවත් රටවල් අපේ රටට විරුද්ධව විවිධ කුමන්ත්‍රන කරන කොට ඒවට නොසැලී සිටිය ජනාධිපතිතුමා ඉටුකරපු රාජකාරියත් සුළුපටු නෑ. හමුදාවල් 3කට අණදෙමින් අවශ්‍යවන විදියට උපදෙස් දෙමින් එතුමාකල සේවය විශිෂ්ඨ ලෙස මා නම් දකිනවා.

මා සිතන විදියට වෙන රටක ඉත්තෙක් නොවී ස්ව්‍යරී රාජ්‍යයක් නිර්මාණය කිරීමට දායක වුන නොසැලුන නායකත්වය පිලිබද ජනතාව විශ්වාසය තබයි කියා. රටකට සේවයක් කල විශිෂ්ඨ නිළධාරියෙක් ඉදිරියට යවා තමුන්ගේ යටි අරමුණු මුදුන්පමුනවා ගන්න අවස්ථාවාදී පිරිසක් උත්සාහ ගන්න බවට නිතරම අහන්න දකින්න ලැබෙනවා. තමන්ව මින් පෙර යුද්ධාධිකරණයට ඉදිරිපත් කරන්න ගිය පිරිස්ම දැන් ජනාධිපතිවරණයට ඉදිරිපත් කිරීමට යෑම මොන තරම් නින්දා සහගත ක්‍රියාවක්ද.

අන්තර්ජාලයේ ජoජාල.....

ඊයේ රෑ අන්තර්ජාලයේ ප්‍රශ්න වගක් ඇතිවුනා. මම පාවිච්චි කරන්නේ රවුටර් එකක්. එකේ තිබුන විදියට සම්බන්ධතාවය තිබුනා. අයිපී ඇඩ්‍රස් එකක් මගේ රවුටර් එකට ලැබී තිබුනා. ඒත් ප්‍රශ්නය තිබුනේ වෙබ් පිටුවලට යන්නේ නැති එක. ඉතින් මට හිතුන ආයෙත් මොකෙක් හරි එකෙක් ෆයිබර් ලයින් එකට ඇරලද කියලත්. ඒ වෙලාවෙ මම ලොකු වැඩක හිටියෙ. කෝල් කරල බලන්නත් හිතුනා. පස්සේ කල්පන කලා කෝල් සෙන්ටර් එකේ අයට කතා කරනවට වැඩිය හොදයි නිකම් ඉන්න එක කියල. දවසක් කෝල් සෙන්ටර් කතා කරල මට මරු වැඩක් වුනා.

මම ඉන්ටර්නෙට් ගත්ත මුල් දවස් වල වැඩි තේරුමක් නෑ. පොඩි ප්‍රශ්නයක් වෙලා මම කතාකලා එස්.එල්.ටී එකේ කෝල් සෙන්ටර් එකට. අනේ අපරාදෙ කියන්න බැ එහා පැත්තෙන් කතාකලේ ගැහැනු කෙනෙක්. මම ඉතින් තියෙන ප්‍රශ්නෙ කිව්වා එය මගෙන් අදාල නැති ප්‍රශ්න ඇහුවා. රවුටර් එකේ සෙටින්ග්ස් හරිද කියල මගෙන් ඇහුවෙ. දෙයියනේ මෙච්චර දවසක් මම පාවිච්චි කලේ අහවල් එකද එතකොට.

කොහොම හරි ටික වෙලාවකට පස්සේ ගෙදරට කෝල් එකක් ආවා ටෙලිකොම් එකෙන් මට කිව්වා වැඩේ හරි කියලා. මම ඉතින් ඇහුවා මොකක්ද වෙලාතිබුනේ කියල. එතකොට මට කිව්වේ එයාලගෙ දෝෂයක් තිබුනේ කියල. මම ඉතින් කල්පන කලේ අර කෝල් සෙන්ටෙර් එකේ අය එතන ඉදන් අOජනම් බලන්න කලින් තමන්ගේ ආයතනයේ දෝෂ මොනව හරි තියෙනවනන් ඒව දැනගත්තොත් හොදයි නේද කියලා. ඊයේ වෙල තියෙන්න ඇත්තෙත් ඒවගේ මොකක් හරි වෙන්න ඇති. උදේ නැගිටල බලනකොට එළටම වැඩ ආයෙත්.

දුක්ගැනවිල්ල ......

පැය ගානක ඉදල අහස කළු කරගෙන. හරියට මීට කලින් මෙහෙම වැහැලම නෑ වගේ. හුලන් පාර ගස් පොලොවට වට්ටන්න වගේ. මිනිස්සු වැඩ ඇරිල ගෙදර එනව කඩිමුඩියේ. ඊයෙ වගේ අදත් තෙමෙන්න වෙයිද කියල වෙන්න ඇති. වැහිලිහිණියො අහසෙ සOදර්ශන දාන්නේ වැස්සක පෙර නිමිති කියන්න වෙන්න ඇති. හැමෝම වැස්ස මග අරින්න යනවා. ඒත් ඇයි මම විතරක් වැස්ස එනකන් බලාගෙන ඉන්නේ. අනිත් අයට වැස්ස එපා මට විතරක් ඔනේ වෙලාවත්ද. ඇත්තටම ඔව් මට ජීවත් වෙන්න වැස්ස ඕනේ. මගෙ දරුවන්ට ජීවත් වෙන්න වැස්ස ඕනේ. ඒත් ඒ වැස්සට පුළුවන් මගෙ ජීවිතේ නැතිම කරන්නත්. අනේ වැස්සට කමක් නෑ මගේ කුඹුරට හානි කරන්න නම් එපා. - අහිOසක ගොවියෙකුගේ දුක් අදෝනාවක්

විභාගේ තමයි අපේ අභාගේ.....

මේ දවස් වල ගෙදර ඉදල ඉදල එපාම වෙලා. විභාග ලියන එක තිත්තම වෙලා. ශිෂ්‍යත්ව විභාගයෙන් පටන් ගත්ත පාර මේ මලඉලව් විභාග තාමත් ලියනව. මට විතරක් නෙමෙයි හැබැයි හැමෝටම තියෙන ප්‍රශ්නයක්. වෙලවකට හිතෙනව ජොබ් කට්ටක් හොයාගෙන පරස්ථාවකුත් කරගෙන ආතල් එකේ ඉන්න ඕනෙ කියල. ඒත් පරස්ථාවක් කලාම තියෙන කට්ට මතක් වෙනකොට මෙහෙම ඉන්න එක හොදයි කියලත් හිතෙනව. සමහරු ඉන්න බැරි මෝල් අමාරුවට ඉක්මනට බැන්දට මොකද අපිට හොරාට කියන්නේ "මචන් උඹල නම් මම වගේ අමරුවෙ වැටෙන්න එපා" කියලා. ඒකත් කියන්නේ වටේ පිටේ කවුරු හරි ඉන්නවද කියල බලලා. අපි හිනා නොවුනට වෙන කෙනෙක් නම් හොද බයිටක් දෙනව ඔහොම කිව්වොතින්. ඔහොම කියනකොට තව ආත්මෙකට බදින්න හිතෙන්නේ නැති තරම්.


තව දෙයක් කියන්නත් තියෙනවා. මම කලින් දාපු බුදුදහමට නිගාව කියන ලිපිය දැකපු කිහිප දෙනෙක් ට පිළිතුරු විදියට එම ලිපිට පළ කලේ ආගම්වාදය ඇතිකරන්නට නොව අන්‍යාගම් වලට ගරුකරන්න සමාජය දැනුවත් කිරීමට බව කරුණාවෙන් සළකන්න.

බුදුදහමට නිගාව

මීට ටික වේලාවකට කලින් මගේ මූණුපොතේ මිතුරන් කිහිප දෙනෙක් ලින්ක්ස් වගයක් එවල තියෙනව දැක්කා. වෙලාවට මම ලොකු වැඩක හිටියේ. ඉතින් මගෙ වැඩටික ඉවරවෙලා හිමීට බැලුවා මොනවඩ තියෙන්නේ කියලා. අපෙ අප්පොච්චියේ මූණුපොතේ ඉන්න සුදු හම තියෙන නොසන්ඩාලයෙක් බුදු හාමුදුරුවන්ගේ රූපයකට සුනඛයෙක්ගේ මුහුනක් එකතු කරලා Group එකක් හදල. මට ඒක දැකපු වෙලාවේ ඉදලා හදපු එකාගේ ගෙදර උදවිය මතක් වුනා.අපරාදෙ කියන්න බෑ ගොඩක් සිOහල බෞද්ධ උදවිය ඒකට විරුද්ධව කතාකරල තියෙනවා. ඉතින් ඒ Group එක ගැන මම මූණුපොතේ බලධාරීන්ට දැන්වීමක් ඉදිරිපත් කලා. සමහර විට මේක ආගම් වලට හරවගන්න කල්ලියකගෙ වැඩක් වෙන්නත් පුළුවන්. මීට ටික දවසකට කලින් කොළඹ විහාර මහා දේවී උද්‍යානයේ පැවැත්වුණු ලෙඩ සුවකිරීමේ දේව මෙහෙයක් ගැන මාධ්‍යවල වාර්ථාවෙලා තිබුණා. දිගින්දිගටම බෞද්ධ පිරිස් එයට විරෝධය පළකරද්දි කරපු වැඩ පිලිවෙලක්ද කියන්නත් බැරි නෑ. අපෙත් ඉන්න සමහර නමට විතරක් බෞද්ධ පිරිස් අයාලේ යන හරක් වගේ මේවගේ ලෙඩ සුවකරගන්න කියල නිවන්මගටම ගිය හැටි නිතරම අහන්න ලැබුණා. ඇත්තටම මෙහෙමත් මෝඩ මිනිස්සු අපේ සමාජයෙත් ඉන්නවානේ.

පඩියට වැඩද ? වැඩට පඩියද?

ඔන්න හෙට අඛණ්ඩ වැඩ වර්ජනයක් කියලා ප්‍රවෘත්ති වල කියනව මම අහගෙන. එකක් නෙමෙයි ආයතන කිහිපයක්. පඩි වැඩි කරන්න කියලලු ඉල්ලන්නේ. එහෙම කිව්වට ආණ්ඩුවට පක්ෂ මාධ්‍යවල සදහන් වෙන්නේ හෙට වැඩ වර්ජනය අත්හිටවල කියලයි. කොහොම වුනත් ඊයේ පෙරේදා දවස් වල ඉන්ධන පිරවුම්හල් වල ලොකු තදබදයක් තිබුනා. මිනිස්සු වෙන්නේ මොනවද කියල දන්නේ නැතුව කුලප්පු වෙලා. එක අතකින් එහෙම වෙන එකත් සාධාරණයි. බැරි වෙලාහරි ඩීසල් හරි පෙට්‍රල් හරි නැතුව ගියොත් කාට කියන්නද. මොකක් හරි ප්‍රශ්නෙකදි අහක ඉන්න මිනිස්සුන්ව අල්ලගෙන මඩවල ටමඉ තමන්ගේ ඉල්ලීම් දිනාගන්න හදන්නේ. මීට වැඩිය හොද විඩියවල් පෙනෙන්නේ නැතුවද මෙහෙම කරන්නේ. මේ මිනිස්සු මෙහෙම පඩි වැඩිවීම් ඉල්ලනේ තමන්ගේ රාජකාරිය හරියට කරන නිසාද. කීයෙන් කීදෙනාද එහෙම කරන්නේ. අන්තිමට කියන්න වෙන්නේ කවුරු ස්ට්‍රයික් කලත් අහුවෙන්නේ අහින්සක මිනිස්සු විතරයි.

තීම් එකක්

දැනට ඕන කරන දේවල් ටික හරි වගේ. තීම් එකක් තමයි හරියට මීටර් එකට වැටුනෙ නැත්තේ. හොද එකක් හොයාගෙන දාන්න ඕනේ ෂේප් එකේ.

මූලාරම්භය

මටත් හිතුනා සින්හලෙන් වෙබ් පිටුවක් පටන් ගන්න ඕනේ කියලා. ඒත් ඉතින් මොනව කියල ලියන්නද මන්දා. අනුන්ගේ ඕපාදූප නම් මේකේ ලියලා වැඩේ චාටර් කරගන්නත් හොද නෑ. මට හිතෙන හිතෙන දේවල් විතරක් ලියන්නම්. හැබැයි නිවාඩු තියෙන වෙලාවට විතරයි ඔන්න. මතක ඇතුව ප්‍රතිචාර එහෙමත් ලියන්න හොදද.
 
readbud - get paid to read and rate articles


Copyright © 2009 සිංහලෙන් අපි |Designed by Templatemo |Converted to blogger by BloggerThemes.Net